Hľadaný výraz: Sir 38,28-34, Preklad: Latinský - Nova Vulgata, Počet výsledkov: 1
| 28 Sic omnis faber et architectus, qui noctem tamquam diem transigit, qui sculpit signacula sculptilia, et assiduitas eius variare picturam; cor suum dabit in similitudinem picturae, et vigilia sua perficere opus. 29 Sic faber ferrarius sedens iuxta incudem et considerans opus ferri; vapor ignis uret carnes eius, et in calore fornacis concertatur. 30 Vox mallei exsurdat aurem eius, et contra similitudinem vasis oculus eius. 31 Cor suum dabit in consummationem operum et vigilia sua ornare in perfectionem. 32 Sic figulus sedens ad opus suum, convertens pedibus suis rotam, qui in sollicitudine positus est semper propter opus suum, et in numero est omnis operatio eius; 33 in brachio suo formabit lutum et ante canos suos curvabit virtutem suam: 34 cor suum dabit, ut consummet linitionem, et vigilia sua mundare fornacem. |
